Good Burgers

Ang unang Burger joint na pinuntahan namin ay ang Good Burger. May iillang mga branches na rin sila sa E. Rodriguez Jr. Ave C5 Pasig, East Capitol Drive, Barangay Kapitolyo Pasig, One Kennedy Place, Annapolis corner Ortigas Greenhills at ang pinuntahan namin ay sa Sikatuna Branch (Maginhawa St., Q.C.). Loob ang branch na ito kaya medyo mahirap puntahan pero dinarayo naman sila ng mga tao.

Ang nakapukaw sa atensyon namin ay ang patties na kanilang gamit. Hindi siya yung ordinaryong patty na beef patty, mamimili ka sa kanilang Chicken at Veggie Patties. Ang tag line nga nila ay "All Lean. All Good", kung kayat maituturing ninyong healthy burger siya.

Sa laki ng burger na inyong kakainin ay mamimili naman kayo sa Good, Better at Best. Ang Good ay isang patty na parang regular lang na sukat, ang presyo nito ay naglalaro sa Php 60 to Php 95. Ang Better naman ay maihahalintulad sa Quarter Pounder, nagkakahalaga namang Php 70 to Php 105. At ang Best ay Double Patty, na aabot ng Php 85 to Php 120, syempre ito ang sukat na aming pinili.

Pwede rin kayong mamili kung Wheat Buns ang tinapay kung talagang healthy eating ang hanap ninyo, magdaragdag laman kayo ng Php 5 para dito. May side orders pa na Regular Wedge, Cayenne Hot, Chick N' Chips at Veggie Strips upang lubusin na ang healthy eating ninyo.

Ang una sa aming tinikman ay Garlic Barbeque (coleslaw & barbeque sauce), asan na ang garlic dyan? Masasabi kong masarap siya lalo ang kanyang sarsa malasa talaga. Php 100

Margherita Burger (roasted tomatoes, mozza, basil, cheese sauce). Anu daw margarita ba yun, may halong alak? hehehe.. Php 120

Kung kayo ay mahilig sa keso, eto ang para sa inyo. 3 Cheese (cream cheese, mozzarella, cheese sauce). Grabe sa dami ng keso at talaga makikita mong natutunaw siya sa burger mo. Php 120

Ang pwesto nila ay simple lamang at hindi magarbo gaya ng mga kilalang burger joints. Pero malinis naman kahit simple lang ito.

Sa kabuuan ay masasabi naming masarap at malinamnam ang mga burgers nila. Ang mga burger nila ay grilled kung kayat mas malinamnam siya. Ang mga klase ng burger ay kakaiba at higit sa lahat "Marami silang mustard", ayon kay Mark. hehehe.

Maraming salamat nga pala kay Kuya sa serbisyo nila at maayos na pakikitungo habang ginagawa namin ang aming dokumentaryo.

At ang pinaka magandang bahagi ng aming dokumentaryo. Panoorin nyo na lang ang video comments namin. Pagpasensyahan nyo na lang ang pagkaka-edit ko dahil bagohan lamang ako sa pagsasagawa nito.

Burger Rating:

• Ambiance = 3.5 chairs
  
• Burger = 4 spoons
  

Total Burger Rating = 3.75