Who are the Angels and Demons??

Sa tingin ko naman ay halos lahat tayo ay naging familiar na sa librong ito ni Dan Brown... Kung hindi ay "shomod" ka na lang dyan... Anyway! Naging controbersyal din ang libro na ito dahil sa parang may mga mali daw na mensaheng pinaparating ang aklat na ito sa mga Katoliko... Kung kaya naman ay ang daming batikos ang inabot ng aklat na ito mula sa Simabahang Katoliko gaya ng isa pa nyang aklat na "The Da Vinci Code"...

Hindi nagustuhan umano ng Simabahang Katoliko ang ibang mga nilalaman ng aklat tungkol sa mga Conspiracy Theories at kung anu-ano pa...

Gaya ng Da Vinci Code na nagkaron ng Movie adaptation ay meron na ring Movie ang Angels and Demons na mas naunang aklat... Noong Linggo lang ay pinalad akong mapanood ang movie na ito dahil sa pangungunsensya sakin nila Chroneicon, Lethalverses at Damdam... Yung 10:30pm movie sana ang mapapanood namin at dahil may pasok ako kinabukasan ay medyo nahiya naman sila sakin, pero panay ang parinig sakin... Tae Kayo!!! Pero dahil gusto ko rin mapanood ito ay napalitan akong panoorin namin ang last full show na 11:30pm...

Yung mga nakapanood ng Da Vinci Code ay hindi daw nagandahan sa movie nito kumpara sa aklat, pero gaya ng ibang book to movies, mahirap nga namang iparehas talaga lahat... Kung kayat hindi ako sigurado kung maganda ang kalalabasan ng movie ng Angels and Demons... At dahil sa noon pa ay sinubukan kong basahin ang aklat na ito, may tatlong taon na ang nakakaraan ay sa kasipagan ko ay nasa Chapter 50 pa rin ako... Lolz!

Pero sa bahagi ng nabasa ko sa ipinalabas sa movie masasabi kong may mga konting changes lang sa story pero kung pagbabasihan ko ang pagkakagawa sa movie ay maganda siya... Walang boring na scenes sa kanya... Dahil sa mahilig ako sa mga mysteries ay nagustuhan ko kung pano ka papaisipin... Ang mga exciting scenes nito gaya ng mga habulan at pag-solve ng mga riddles "Path to Illumination" ayon kay Galileo nung sinaunang panahon... At ang pinaka mahirap na part sa lahat para sa akin ay hulaan kung sinu ang master mind ng lahat ng iyon...

Kung kaya't ang masasabi ko lang ay maganda talaga ang movie na ito at highly recommended ko na panoorin nyo... Kung Dan Brown fan ka man, wag mo na lang muna isipin kung paano siya naiba sa aklat, gamitin mo na lang ang imahinasyon mo kung pano binigyang buhay ni Director Ron Howard ang aklat sa kanyang pelikula...

Sa ibang aspeto naman ng istorya, masasabi kong mas naapreciate ko ang pagiging Kristiyano ko lalo ng mapanood ko ito... Dahil, mapapatunayan mo talaga na tao lang tayong lahat, may nagkakasala at mga nagkakamali maging anu man ang estado natin sa buhay o anuman ang ginagampanan natin sa ating mundo... Ang dapat ay tanggapin natin ang ating mga pagkakamali at matuto sa mga ito at simulang baguhin ang ating mga sarili...

Isa ko pang nagustuhan ay kahit na pinigilan ng Vatican na mag-film si Ron Howard sa Vatican ay naipakita niya ang kagandahan ng Vatican Rome... Remake lang ang set na ginawa nya upang maituloy lamang ang movie... Ngayon ay parang gusto kong isama sa listahan ng mga bansang pupuntahan ang Vatican Rome...

Sa movie lang na yun nakita kung gaano kaganda ang Vatican... Pagkakataon ko rin ito upang mas maramdaman ang aking pagiging Katoliko....

Bagong Bili kong Libro

Inimbitahan ako ng kaibigan ko nung ika-15 ng Septiyembre taong 2008 na pumunta ng Book Fair sa SMX Convention Center. Nung una sabi ko, kelan ka pa nahilig sa libro? Ang totoo pala nagbabasa na pala siya ng mga libro dati pa, kaso puro relihiyosong libro. Ako naman ang napa-isip ngayon. Bakit ako pupunta doon, wala naman akong hilig sa pagbabasa ng libro. Pero, bigla akong tinamaan ng ideya sa utak ko.

Why not chocobot?

Itong pinuntahan nga pala namin ay ang 29th Manila International Book Fair!

Bakit ko nilagay?? Wala lang, bakit ka ba nakikielam... hehehe...

Nang dumating na kami dun, ay pasara na yung SMX kasi ba naman na-traffic ako papunta dun. Wala na lang sisihan, hindi ko kasalanan yun. Kaya naglibot na lang kami agad upang maghanap ng mga libro.

Tinanong nya ko, anu daw bang libro hinahanap ko? Aba! Malay ko, wala nga akong hilig sa libro kaya hindi ko alam kung saan magsisimulang maghanap ng libro at kung anung klase ng libro.

Kami ay napadpad sa Power Books. Daming sale ng mga libro, parang ukay-ukay lang. Sabi ko tingin nga ako ng mga libro, may mga nakita akong libro na pamilyar sa aking pandinig. At naka Sale pa sila. Kaso ng tignan ko ang presyo ng mga librong ito. Ako'y nagulat dahil nasa Php 700 pala ang mga halaga nitong mga aklat na ito. At dahil sa wala nga akong hilig sa mga aklat ang Php 300 na aklat para sa akin ay nagMUMURAng presyo.

Habang naghahanap ng mga murang aklat na magugustuhan ko, bigla akong may nakitang aklat. Sabi ko sa sarili ko, eto na lang bibilin ko. Mura lang eh nasa Php 300 pesos lang ang presyo niya.
Kaya eto na yung librong nabili ko.

Hahaha, kala mo kung anung napaka-gandang aklat ang nabili ko eh noh. Pero ayun sa mga naririnig ko maganda daw talaga ang aklat na yan.

Lam ko na sasabihin nyo, luma na yang aklat na yan at pwede namang manghiram na lang ako sa kakilala ko. Pero bakit ba, pero ko yun eh. Hehehe... Tsaka eto ang kauna-unahang aklat na nabili ko gamit ang pera ko. Kung kaya't ipinagmamalaki ko ito.

Sana nga lang hindi rin siya matengga sa bahay gaya nung mga aklat na hiniram ko na hanggang ngayon ay hindi ko pa rin tapos basahin. Hehehe... Gaya nung Angels & Demons na 2 years na kong natigil sa pagbabasa nun at hanggang ngayon ay nasa Chapter 50 pa rin ako. Nakalimutan ko na nga ata yung kwento eh.

Pero sisiguraduhin kong babasahin ko talaga eto.

Singit ko lang yung iba pang mga kuha ko sa SMX.